Thosaigh Rang a 5 ag fíodóireacht i rith na seachtaine!
Tógfaidh an saothar ealaíne cúpla seachtaine ach tús maith, leath na hoibre!
Bhí siad go hiontach chun cabhrú lena chéile.
Tógfaidh an saothar ealaíne cúpla seachtaine ach tús maith, leath na hoibre!
Bhí siad go hiontach chun cabhrú lena chéile.
Téama 2: Tithe agus Teaghlaigh
Le linn na coicíse seo táimíd ag foghlaim faoi thithe agus teaghlaigh. San Eolaíocht, bhíomar ag díriú ar an gceist 'Cad as a bhfuil sé déanta?'. Chuamar ar chonair eolaíochta mórthimpeall na scoile ag breathnú ar na hábhar a úsáideadh chun gnéithe éagsúla sa scoil a chruthú chomh maith leis na hairíonna atá ag baint leis na ábhair san. Bhíomar ag obair i ngrupaí agus bhí ról áirithe ag gach duine sa ghrúpa. An aidhm a bhí againn ná rudaí le hairíonna áirithe a aithint msh. rud atá trédhearcach, súiteach, crua, éadthrom, teimhneach, solúbtha, bog, mín srl., Seo grianghraf don chláraitheoir i ngrúpa amháin ag taifead na dtuairimí a bhí ag a ghrúpa.
Sa Stair, bhíomar ag foghlaim faoi sheanfhoirgnimh sa cheantar áitiúil. Féach thíos ar chuid dos na seanfhoirgnimh a dheineamar staidéar orthu. Bhíomar ag plé na n-ábhar tógála, na cineálacha díonta, méid stórtha agus méid na mbánna.
Bhí Lá Náisiúnta na Folláine á cheiliúradh againn ar an 23/09/2021. Bhí comórtas cuarda a rith agus comórtas suí i gcoinne an bhalla againn. Bhí na páistí i gcomórtas i gcoinne an mhúinteora! Fuair na páistí an lámh in uachtar uirthi sa dhá chomórtais!
Bhíomar ag foghlaim conas fíodóireacht a dhéanamh le linn na míosa seo. Féach thíos ar cuid d'ár cleachtas ealaíne.
Féach ar an bhfeileachán galánta a thuirling ar lámh Eva L:
Téamaí 3 & 4: Spórt
Seo hiad buaiteoirí comórtas na bhfeisteas le linn an cheiliúrtha d'Oíche Shamhna.
Bhain na daltaí an-taitneamh as Cluiche an Phlúir- cluiche Oíche Shamhna traidisiúnta.
Don cheol, chum gach grúpa Amhrán Náisiúnta don scoil agus ansan chan siad é don rang.
Tháinig Finman (Anrí ó Domhnaill) isteach chun cainte le ranganna 5 agus 6 mar gheall ar a aistear snámha mórthimpeall na hÉireann. Is féidir linn a aistear a rianú anseo: Swim Tracker | FinSwim2020.
Téama 5: Cé hé mise?
Dhein na daltaí macasamhail 3-T d'Abhann na Bandan ina ghrúpaí.
Bhíomar ag foghlaim faoin gcóras díleá agus chruthaíomar ár gcóras díleá féin!
Téama 6: Ceannródaithe
Mhaisigh Rang a 5 a gCrann Nollag. Chruthaigh siad a ornáidí féin!
Téama: Spraoi & Fantasaíocht
Cleachtadh ar siúl do Seó na Nollag. Beimid ag casadh an phoirt 'Auld Lang Syne'.
BSeó na Nollag- bhí na daltaí i Rang a 5 ag léiriú an scéil 'Tír na nÓg' a i bhfoirm rince. Dheineadar an-jab leis na múinteoirí drámaíochta.
Tá Rang a 5 i ndiaidh eilifinte ón sú a uchtú mar ghníomh chineáltais don Nollaig.
Gáirí geal na Nollaig i Rang a 5 agus iad ag cruthú fir sneachta.
Ainmhithe Iontacha
Seo hiad Rang a 5 ag cruthú fógraí teilifíse sa cheacht drámaíochta inniú. Bhíodar ag léiriú a dtuairimí ar an ábhar ar chóir ainmhithe a choinneáil i zúnna,
Spás |
Seo hiad Rang a 5 ag léiriú a drámaí bunaithe ar aistear pearsanta spásaire.
Daltaí Rang a 5 ag baint taitnimh as Badmantan sa cheacht corpooideachais.
Aireagáin
Tháinig múinteoir leadóige isteach chun na scoile chun forbairt a dhéanamh ar scileanna na bpáistí.
Téama: Ealaín
Ar feadh 8 seachtaine beidh ealaíontóir áitiúil ag teacht isteach chun comhoibriú leis an rang. An sprioc atá againn ná sraith phictiúir a léiríonn an finscéal 'Oisín i dTír na nOg' a chruthú. Tá cuid áirithe den scéal ag gach grúpa.
